'n Baie suksesvolle inligtingsdag wat deur GWK, in samewerking met Agri Boshof aangebied is en gemik was op lede se plaaswerkers en beginnerboere in die distrik, is op 14 Oktober in die skousaal aangebied.
Mnr Edwin Groeners van GWK het 'n omvattende program vir die dag gereël en dit moes beslis leersaam vir die kursusgangers gewees het.
Hulle is eers deur Mnr Dup Haarhoff oor GWK se benadering tot opkomende boere ingelig waarna Mnr Theuns Botha van Boshof, basiese veeboerderybestuur verduidelik het.
Jan Joubert van SA Feeds het oor die belangrikheid van voeding by veeboerdery gepraat en Dr Charles Gilfillan, 'n veearts van Afrivet, oor die voorkoming en beheer van veesiektes. Mnr Lourens Goosen van Vrystaat natuurbewaring het gepraat oor die beheer van skadedoenende diere.
Op die foto van links: Mnre Kallie van Romburgh (Afrivet), Dup Haarhof (GWK), Lourens Goosen, Jan Joubert, Dr Charles Gilfillan en Hennie de Waal (Onder-voorsitter Agri Boshof).
