Agri Boshof hou die eerste gesamentlike byeenkoms

Agri Boshof het op die 10de April 'n gesamentlik byeenkoms in die Rolbalklubsaal op Boshof gehou en wat 'n pragtige gesig om soveel boere te sien wat bymekaarkom om landbou- en ander sake wat hulle raak te bespreek!  Tot dusver het Agri Boshof bestuur wat bestaan uit die voorsitter en sekretaris van die onderskeie boereverenigings, asook ander rolspelers soos die voorsitters van die Brandbeskermingsvereniging en die Veiligheidskomitee, asook verteenwoordigers van Landboubesighede een keer elke twee maande vergader om huishoudelike sake te bespreek.  Na hierdie vergaderings het die onderskeie boereverenigings afsonderlik vergader vir hul huishoudelike sake en om tersaaklike inligting aan hulle lede oor te dra.   

Boshof Distriksboere-unie, is in 1925 deur die onderskeie boereverenigings in die distrik gestig en het aanvanklik bekend gestaan as "Die Boshof Boere Vereniging." (in 1933 het die unie bestaan uit 20 boereverenigings, maar dit het mettertyd afgeskaal sodat daar tans slegs ses aktiewe boereverenigings is).  Die naam is in 2004 na "Agri Boshof" verander. Sy lede is lede van Vrystaat Landbou wat sitting het op Agri Suid-Afrika se algemene Raad waar sake van gemeenskaplike belang op 'n nasionale grondslag hanteer word  en alle lede is dus lid van 'n breër landbou-organisasie in Suid-Afrika, wat ten doel het om namens hul lede die volhoubare winsgewendheid en stabiliteit van kommersiële landbouprodusente en -besighede te bevorder deur hul betrokkenheid en insette op nasionale en internasionale vlak.

Tydens 'n bestuursvergadering gedurende Februarie hierdie jaar, is besluit om as 'n proeflopie die struktuur van die unie te verander deurdat die onderskeie boereverenigings byeenkomste vir alle lede van die unie reël en kundiges op landbougebied kry om lede in te lig oor hul produk/diens.  Hierdie was dus die eerste van vier sulke geleenthede wat vir die jaar in die vooruitsig gestel word en is deur Mahemsfontein boerevereniging aangebied.

Benewens 'n paar huishoudelike sake wat aandag moes geniet en wat deur Andrie de Kock, voorsitter van Agri Boshof behandel is, het sprekers van Bloemfontein Abattoir, Lubern en Zoetis inligting oor hul onderskeie dienste en produkte verskaf. 

	Links is voor, van links, Riëtte Pope, Marlene Combrink, Ronel van Biljon, Heleen van der Merwe, bestuurder van die plaaslike tak van Suidwes, agter:  Anita Roberts, Alida la Grange, Hetta Botes en Marita du Plessis
Marita Louw, Rina de Swardt, Susan Steenkamp, Stella Jacobs en Reneè van Rensburg
Gert Scheepers en Johannes van Rooyen	Leon la Grange en Gert Scheepers
Karien met klein Lismé en Johan Pretorius	Hernus le Roux van Zoetis.  Hernus se dogtertjie, Arina en vrou Anerie is saam met hom
Rina en Giel de Swardt	Estelle Weich, Johan Pretorius en Mariëtte Saaiman wat alles gereël het
Lauwrika  en Dr Kobus van Niekerk  en Willem van Niekerk

Tuisblad